Kedarnath Helicopter Crash : उत्तराखंडमधील रुद्रप्रयाग जिल्ह्यातील केदारनाथला जाणारे हेलिकॉप्टर सकाळी 5.20 वाजता गौरीकुंडच्या जंगलात कोसळले. या अपघातात एकूण 7 जणांचा मृत्यू झाला आहे.
उत्तराखंडमधील रुद्रप्रयाग जिल्ह्यातील
केदारनाथला जाणारे हेलिकॉप्टर सकाळी 5.20 वाजता गौरीकुंडच्या जंगलात कोसळले. या अपघातात एकूण 7 जणांचा मृत्यू झाला आहे. या मृतांमध्ये महाराष्ट्रातील तिघांचा समावेश असल्याची माहिती समोर आली आहे. या अपघातात पायलटचाही मृत्यू झाला आहे.
व्हिडिओ पाहण्यासाठी इथे क्लिक करा
मिळालेल्या माहितीनुसार, आर्यन कंपनीचे हेलिकॉप्टर कोसळले आहे. ही दुर्घटना गौरीकुंड आणि त्रिजुगीनारायण नारायण दरम्यान घडली. हेलिकॉप्टर कोसळण्याचे कारण खराब हवामान असल्याचे सांगितले जात आहे.
हेलिकॉप्टर नोडल अधिकारी राहुल चौबे आणि जिल्हा आपत्ती व्यवस्थापन अधिकारी नंदन सिंह राजवार यांनी हेलिकॉप्टर अपघाताची पुष्टी केली आहे.
गौरीकुंडवर गवत कापणाऱ्या नेपाळी वंशाच्या महिलांनी हेलिकॉप्टर अपघाताची माहिती दिली. अपघाताची माहिती मिळताच मदत आणि बचावकार्य सुरू करण्यात आले.
7 जण ठार, मृतांमध्ये महाराष्ट्रातील 2 जण
अपघातग्रस्त हेलिकॉप्टरमध्ये पायलटसह 7 जण होते. दुर्देवाने या अपघातात एकजण बचावला नाही. स्थानिक प्रशासनाने मृतांच्या नावाची यादी जाहीर केली आहे. यामध्ये एका चिमुकलीचाही समावेश आहे.
मृतांची नावे पुढीलप्रमाणे…
1. कॅप्टन राजबीर सिंग चौहान – पायलट (जयपूर)
2. विक्रम रावत बीकेटी रहिवासी रासी उखीमठ
3. विनोद देवी रा. उत्तर प्रदेश वय 66
4. तृष्टी सिंग उत्तर प्रदेश वय 19 वर्षे
5. राजकुमार सुरेश रा. गुजरात वय 41 वर्षे महाराष्ट्र
6. श्रद्धा राजकुमार जयस्वाल रा. महाराष्ट्र
7. काशी, रा. महाराष्ट्र मुलगी वय 02 वर्षे
आजच्या अपघातानंतर केदारनाथ धामची हेलिकॉप्टर सेवा रद्द करण्यात आली आहे.
हेलिकॉप्टरचा यापूर्वीदेखील अपघात…
या चारधाम यात्रेदरम्यान वेगवेगळ्या धामांवर हेलिकॉप्टर कोसळले आहेत. तसेच हेलिकॉप्टरचे अनेक वेळा आपत्कालीन लँडिंग करण्यात आले.
अलिकडेच रस्त्याच्या मधोमध एक हेलिकॉप्टर कोसळले होते. चारधाम यात्रेच्या सुरुवातीला एक हेलिकॉप्टरही एकदा कोसळले होते, ज्यामध्ये काही लोकांचा मृत्यू झाला होता.